മഴ

പണ്ട് ....മഴയുടെ മുന്നോടിയായി വീശിത്തുടങ്ങുന്നകാറ്റിന്റെ സ്വരം  പിന്നെ ഒന്നു രണ്ടു പിടി ചരല്‍ വാരി യെറിയുന്നപോലെ ഓടിന്നുമേല്‍ പതിക്കുന്ന പുതുമഴത്തുള്ളികളുടെ സ്വരം  പിന്നെ പുരയ്കുമേല്‍ തിമര്‍ത്തുപെയ്യുന്ന മഴയുടെ സംഗീതം  ഇതൊക്കെ കേട്ടത് നിങ്ങള്‍ ഓര്‍ക്കാറുണ്ടോ?... മിറ്റം  നിറഞ്ഞൊഴുകുന്ന കലങ്ങിയ മഴവെള്ളത്തെനോക്കി നിങ്ങള്‍ നില്കുമ്പോള്‍ അകത്തുപോ ഊത്താലടിച്ച് പനിപിടിക്കേണ്ട എന്ന ശാസനക്ക് എന്നെങ്കിലും  നിങ്ങള്‍  വിധേയനായിട്ടുണ്ടോ. മഴ തോര്‍ന്ന് മരങ്ങള്‍ പെയ്തുകൊണ്ടിരിക്കേ മാവിന്‍ ചുവട്ടിലേക്കോടുമ്പോൾ  മരങ്ങള്‍ക്കിടയിലൂടെ  തെളിഞ്ഞുകണ്ട ആകാശത്തെ ഈറന്‍ മേഘക്കീറുകടെ ഭംഗി എന്നെങ്കിലും  നിങ്ങള്‍ ആസ്വദിച്ചിട്ടുണ്ടോ..?
ഇല്ലെങ്കിൽ ഹാഫ് ഓഫ് യുവർ ലൈഫ് ഈസ് സ്പോയിൽഡ്.....